Ito ang aking listahan ng mga pinakamayayamang bayan ng Cagayan. Ang data na ginamit ko sa paggawa ng listahang ito ay mula sa Department of Interior and Local Government Region 2 (DILG RO2) Website. Ang ginamit ko ay ang total income, ito ay ang IRA share + local-sourced revenues + other revenues
10.LALLO
Income: 87,500,000.00
Ang Lal-lo ay pasok sa
Number 10 na may kitang P 87,500,000. Ang mga pangunahing kabuhayan sa Lal-lo
ay agrikultura at komersyo. Hindi nakakapagtaka na ito ay pasok sa ating Top 10
dahil sa maliban umuusbong nitong agrikultura ay malakas din ang komersyo dahil
na rin umano sa dito matatagpuan ang Magapit Bridge o mas kilala bilang Hanging
Bridge. Ang pagiging pangunahing daanan nito papunta sa Ilocos at iba pang
lugar ng Cagayan ay nakakatulong ng malaki sa paghatak ng turismo at kalaunan
sa pagprogreso ng Lal-lo
9.TUAO
Income: 87,804,590.41
Pasok sa Number 9 ang Tuao
na may kitang P 87,804,590. Tulad ng Lal-lo, ang mga pangunahing kabuhayan dito
ay agrikultura at komersyo. Minsan ding
nailipat ang Provincial Government (Revolutionary Government) sa Tuao noong
World War II sa pamumuno ni Governor Marcelo Adduru. (dito nila isinasagawa ang
guerilla warfare laban sa mga Hapon)
8.AMULUNG
Income: 93,371,824.29
Ang Amulung ay pasok sa
Number 8 sa kitang 93,371.824. Pangunahing kabuhayan sa Amulung ay ang pagsasaka
at kasunod nito ay ang umuusbong din nitong komersyo.
7.GONZAGA
Income: 95,173,509.16
Hindi nalalayo sa ikapitong
pwesto ang Gonzaga na may kitang 95, 173,509. Maliban sa pagsasaka at
pangingisda, ang malawak nitong kagubatan ay napagkukunan din ng kita. Kung
nature trip ang hanap, isa din ang Gonzaga sa mga pangunahing destinasyon.
6.APARRI
Income: 101,260,823.97
Sa ikaanim na pwesto ay ang
Aparri na nagtala ng kitang P
101,260,823. Pangunahing kabuhayan sa bayan ng Aparri ay ang agrikultura at ang
pangingisda. Isa ang Aparri sa mga tanyag na coastal towns ng Cagayan lalo na
noong dekada 90 dahil sa madlas nating maririnig ang pangalan nito tuwing
kinakanta ang Eat Bulaga. (sa mahabang panahon ay inakala ng mga ibang tao na
ang dulo ng Pilipinas ay ang Aparri, mga tangengot)
5.SOLANA
Income: 107,088,317.36
Ikalima sa ating listahan
ay ang Solan na mayroong P 107,088,317 na kita. Malakas din ang agrikultura at
komersgyo sa bayan ng Solana. Ang malawak na lupain nito ay sagana sa
pagtatanim ng palay.
4.PEÑABLANCA
Income: 130,703,021.00
Pasok sa Number 4 ang
Peñablanca sa kita nitong P 130,703,021. Pangunahing kabuhayan sa Peñablanca ay
ang agrikultura, pero hindi natin maisasantabi ang pagiging popular na tourist
destination nito. Dito matatagpuan ang tanyag na Callao Caves kinokonsidera ng
marami bilang ang pangunahing tourist attraction ng Cagayan.
3.BAGGAO
Income: 141,201,271.66
Sa kinita nitong P
141,201,271, pasok ang Baggao sa number 3. Pagsasaka din ang pangunahing
kabuhayan sa Baggao. Maliban dito, ang tanyag na Kalimudan Falls at Duba Cave
ay nakakatulong din sa pagprogreso ng turismo at komersyo sa bayan.
2.GATTARAN
Income: 147,107,724.51
Sa Ikalawang pwesto ay ang
bayan ng Gattaran na nakapagtala ng kitang P 147,107,724. Isa ang Gattaran sa
mga bayan ng Cagayan na may pinakamalaking lupain. Dahil ditto, sagana ito sa
mga lupang magagamit sa pagsasaka. Maliban sa pagsasaka ay maganda din ang
takbo ng komersyo sa bayan.
1.TUGUEGARAO CITY
Income: 560,799,467.57
At ang Number 1 (mahigit P
400,000,00 ang lamang sa ikalawang pwesto) ay walang iba kundi ang Tuguegarao
City. Hindi na ito nakapagtataka o nakakagulat sapagkat ang Tuguegarao ay hindi
lamang ang kabisera ng Cagayan, ito ay ang capital ng buong Rehiyon Dos. Ito ay
ang sentro ng komersyo, edukasyon at ng gobyerno sa rehiyon at ito rin ang
natatanging lungsod sa probinsya ng Cagayan.
Reference:
No comments:
Post a Comment